有日有個舊症嚟到登記睇醫生，入到醫生房…
醫生:今日有乜唔舒服？
佢:肚屙
醫生:屙咗幾多次？
佢:一次
醫生:屙咗幾多日？
佢:一日，我要三日假紙拎返公司
即係咁，日日屙一次屎聽講已經算係輕度便秘，正常應該係屙兩三次嘅，只要唔係屙水就得啦(好似係)
醫生:三日？
佢:抖吓就得㗎啦，唔好開特效藥俾我呀
醫生:我淨係會開今日一日
佢拍咗一吓枱:得一日俾我托呀？
醫生:精神唔錯呀，一日都夠
佢拍多一吓枱:你玩嘢呀？四眼仔！
醫生:係咪一日就唔要？
佢見硬嘅唔得，就試吓軟:醫生，幫吓手呀，三日啦！我同公司講咗㗎啦！我嚟睇咗幾次㗎啦！
醫生:睇返紀錄，你睇過一次，加埋今次係兩次
佢:睇幾多次都唔係重點，我食你啲藥先好得到，第二度搵唔到個好似你咁好㗎啦！
真係㗎？點解嘅？醫生你好叻呀！
醫生:上一次我都係開咗普通藥俾你，好似必理痛嗰類…
佢:唔同㗎！你開嘅就唔同！其他醫生開嘅我食完會仲唔舒服！俾三日我抖吓啦！
醫生:淨係開到一日
佢:你俾三日我啦，我會俾錢㗎
…有邊個入嚟睇醫生唔駛俾錢？
醫生:冇三日，你可以出去等拎藥
佢:你唔俾三日我，我唔走！
醫生:姑娘！
姑娘:係～
醫生:打俾管理處
姑娘:係，知道～
佢:玩嘢呀！四眼仔！三日啫！咁都俾唔到？你做乜撚嘢醫生呀？坐喺度擺醫生款食屎啦你！(下删海量粗口)
佢見到管理員嚟到後，自己行出診所，一路行一路講:我自己走，咪撚掂到我呀！四眼仔你咪撚做醫生啦！少少要求都滿足唔到病人，又話醫者父母心！食屎啦！
戴眼鏡得罪你呀？
呢位先生啲情操咁高尚，佢都好應該試吓坐醫生呢個位(如果佢做到)，到時寫幾多日都得啦！係咪先？
Search